出海釣魚

剛剛過去的星期日（10月7日），阿榮約我同埋佢個大仔，仲有其他朋友，一行九個人出海釣魚。我地晨早約埋一齊七點半出荃灣眾安街銀龍食早餐。八點鐘全部人「一帆風順」集合。買蝦買蟲後就搭的士到青山道汀九近水灣上艇，共四隻，三隻係用手扒槳，另一隻有船尾機（當然要預早book啦）。

今次落錨地點係沿青衣汀九橋底至青衣船廠一帶。我就唔係好識釣，全日食白果。阿榮都釣到條比較大「火點」，大過手掌，當然仲有魚仔。其他朋友都有收獲。聽佢地講今次撞水流太急，不利釣魚。希望下次好運d啦。可以預埋你。